●۩۝۩● خذ قلبي لجروحك ولا يجي قلبك جروح ●۩۝۩●

خذ قلبي لجروحك ولا يجي قلبك جروح 

يسلم قلبك اللي بكل مافيني فديتــة ..

وشلون ما شيل همومك وانت للروح روح 

لو ينشرى فرحك بعمري لجلك شريتــة ..

لو ينشغل بالك احس كل مافيني ينوح

تصغر الدنيا بعيوني وكل فرحي نسيتــة ..

اشكي مابك وخل قلبك لقلبي ينوح

ذبحني سطر من الألم بعيونك قريتــة ..

عطني احزانك ببني لها بصدري صروح 

خلها من اسى الماضي اللي بحبي طويتــة ..

اضحك حبيبي بسمتك لي غاية وطموح 

كن نور هالدنيا من صدى ضحكك خذيتــة ..

تبسم للامل خل عطرة بجوك يفوح 

ترى بعيوني غرامك امل عمري بديتــة ..

انت بناظري قمة ويبقى غيرك سفوح 

لاعدمت نظر عيني دامك بطيفك ضويتــة ..

خذ قلبي خذ كل مافيني ولا تجيك جروح 

انا ادري كثر ما عطيتك حقك ما وفيتــة ..

وسلاأإأإأإأإأإأمتــــــكم ..

●۩۝۩●